Биологиялық тазарту станциясы: бұл не, қалай жұмыс істейді және қандай бизнеске жарамды

Сарқынды суларды кәдеге жарату мәселесі орталық кәріз жүйесі жоқ кез келген нысанға — дәмхана мен жанармай құю бекетінен бастап глэмпинг немесе өндіріс орнына дейін қатысты. Бұл мәселені биологиялық тазарту станциясы шеше алады: ол ағынды суларды 98%-ға дейін тазартып, нәтижесінде иіссіз таза техникалық су береді және шұңқырлар мен жинақтауыштардан айырмашылығы — ассенизаторлық көлікті қажет етпейді.

Биологиялық тазарту станциясы дегеніміз не

Биологиялық тазарту станциясы (БТС) — бұл автономды кәріз жүйесінің бір түрі. Оны орталық кәріз жүйесіне қосу мүмкін емес өнеркәсіптік және жеке нысандарға орнатады.

Биологиялық тазарту станциясының жұмыс істеу принципі — аэробты-аэрациялық. Ондағы негізгі процестерді қалдықтарды суға, көмірқышқыл газына және минералды заттарға дейін ыдырататын микроорганизмдер атқарады.

Жалпы алғанда, септиктегі суды тазарту процесі былай жүреді:

‍

1. Анаэробты бактериялар бірінші камерадағы күрделі органикалық заттарды ыдыратады. Олар оттегісіз ортада жұмыс істейді.
2. Аэробты бактериялар аэротенкте органиканы, химиялық қосылыстар мен аммонийді өңдеп, тазартуды жалғастырады. Олардың оңтайлы жұмыс істеуі үшін компрессор арқылы резервуарға ұсақ көпіршікті шашыратқыштар (аэраторлар) арқылы үздіксіз ауа айдалады.
3. Су белсенді тұнбамен бірге тұндырғышқа жиналады. Тұнбаның бір бөлігі жүйеге қайтарылады, ал шығысында 98%-ға дейін тазартылған су алынады.

‍

БТС-тің сыртқы және ішкі құрылымы мен биологиялық тазарту станциясының жұмыс істеу принципі туралы толығырақ төменде баяндаймыз.

‍

Биологиялық тазарту станциясының құрылғысы

БТС сыртқы (корпус) және ішкі (камералар жүйесі) бөліктерден тұрады.
‍
Сыртқы бөлігі
‍
Корпус топырақ қысымына төзімді және коррозияға ұшырамайтын материалдардан — әдетте полипропиленнен немесе шыны талшықты пластиктен жасалады. Корпус топыраққа 1,5–2,5 м тереңдікке көміледі. Үстіне станцияға қызмет көрсету үшін ашуға болатын құлпы бар люк орнатылады.
‍
Ішкі бөлігі
‍
Бөлгіш қабырғалар корпусты үш камераға бөледі. Олардың құрылымына тоқталайық.

‍

‍

Назар аударыңыз

Егер ағынды суларды қосымша тазарту немесе тұрақтандыру қажет болса, конструкцияда үштен көп камера болуы мүмкін.

‍

Септиктің жұмысы үшін қосымша мыналар қажет:

• компрессор — ауа айдайды;
• дренаждық сорғы — тазартылған суды шығарады;
• құбырлар — кәріз жүйесін қосады;
• шлангілер — камераларды жалғайды.

Кімдерге жарамды

Орталық кәріз жүйесіне қосыла алмайтын бизнес иелері көбінесе шұңқыр немесе жинақтауыш орнатуды таңдайды.

Алғаш қарағанда бұл арзанырақ әрі оңайырақ көрінуі мүмкін. Алайда, бұл жолды таңдаған меншік иелері бюджетке ағынды суларды сорғызуға кететін тұрақты шығындарды — айына 25–30 мың теңгеден бастап жоспарлауы керек. Ал бизнес 5 жыл жұмыс істегенде, ассенизаторлық қызметтерге 1,5–1,8 млн теңге төлеуге тура келеді!

Ағынды су көлемі көп жерлерде, яғни жыл бойы жұмыс істейтін, суды көп тұтынатын және адам ағыны жоғары нысандарда бұл шығын айтарлықтай сезіледі. Бизнес неғұрлым белсенді жұмыс істесе, ассенизаторлық көлікті соғұрлым жиі шақыруға және дамуға жұмсалуы тиіс қаражатты босқа шығындауға тура келеді.

Биологиялық тазарту станциясы бұл мәселені шешіп, ақшаңызды үнемдейді. Септик бірнеше күнде толып қалмайды, барлық ағынды суды өңдейді және шұңқыр немесе жинақтауыш сияқты үнемі сорғызуды қажет етпейді.

Иесі тек жоспарлы қызмет көрсету үшін жылына 50 мың теңге ғана төлейді (ассенизаторлық көлікке кететін 300–360 мың теңгенің орнына).

Биологиялық тазарту станциясы қандай бизнес түрлеріне жарамды:
‍

• кір жуу орындары, химиялық тазалау орындары;
• тоқыма және кілем жуу сервистері;
• автосервистер мен автокөлік жуу орындары;
• мейрамханалар, дәмханалар, асханалар;
• сауналар, СПА, демалыс орталықтары;
• фитнес-клубтар;
• қала сыртындағы қонақүйлер, глэмпингтер, демалыс базалары;
• тамақ өнеркәсібі кәсіпорындары;
• саяжай кешендері, қала сыртындағы таунхаустар.

‍

❗Маңызды: бизнес үшін басты артықшылығы — шығындарды үнемдеу және алдын ала болжау мүмкіндігі. БОС (биологиялық тазарту станциясы) болған жағдайда ассенизаторға тұрақты ақша жұмсаудың, қоршаған ортаны ластағаны үшін айыппұл төлеудің және қызметті тоқтату қаупінің қажеті жоқ.

‍

Биологиялық тазарту станциясын орнату және іске қосу

‍

‍

Биологиялық тазарту станциясының тағы бір артықшылығы — оны тез орнатуға болады. БОС-ты үлкен бригада жалдамай және ауыр техникаға тапсырыс бермей-ақ, 1 күн ішінде орнатып бітіруге болады.

‍

1. Орнатын орнын таңдау - Станцияны үйден 5 м, ал ауыз су құдығынан немесе ұңғымасынан 30 м қашықтықта орнатады. Жер телімінің еңісін ескеру қажет: кәріз суы өздігінен ағуы үшін биологиялық тазарту станциясы (БТС) нысаннан төменірек тұруы тиіс. Орнатылатын жерді қазықтармен белгілеп қояды.
2. Шұңқырды белгілеу және қазу - Станцияның габариттері бойынша әр жағынан 30 см қосып, шымды алып тастайды. Тереңдігі 1,8–2,8 м (модельге байланысты) шұңқыр қазады. ❗Маңызды: топырағы әлсіз жерлерде (шымтезек, ісінгіш саз) шұңқыр түбіне қалыңдығы 10–15 см бетон плитасын төсеу қажет. Жер асты сулары көтерілгенде станция қалқып кетпеуі үшін оны плитаға арқандармен бекітеді.
3. Іргетасты дайындау - Шұңқырдың түбін тегістейді. Биіктігі 15–20 см құм-қиыршық тас жастықшасын төсеп, нығыздайды. Бұл жастықша салмақты біркелкі бөліп, суды іргетастан бұрып әкетеді.
4. Станция корпусын орнату - Станцияны тоқыма ілмектердің көмегімен шұңқырға абайлап түсіріп, деңгейі бойынша тегістейді. Топырақ қысымын теңестіру үшін камераларды шланг арқылы көлемінің ⅓ бөлігіне дейін сумен толтырады.
5. Шұңқырды көму - Корпус пен қабырғалар арасындағы кеңістікті құм мен қиыршық тас қоспасымен 20–30 см қабаттап толтырады. Әр қабатты сумен сулап, нығыздап отырады. Корпус деформацияланбауы үшін көму жұмыстарын станция ішіндегі су деңгейінің көтерілуімен қатар жүргізеді.
6. Құбырларды жалғау - Корпуста диаметрі 110 мм кіріс кәріз құбыры мен таза су шығыс құбыры үшін тесіктер бұрғылайды. Құбырларды траншеяларға 1 метрге 2 см еңіспен төсейді. Қату аймағында (0,8–1,5 м тереңдікте) құбырларды полиэтилен көбігімен немесе пенополистиролмен жылытады. Құбырларды корпуспен резеңке тығыздағыштары бар муфталар арқылы жалғайды.
7. Электр желісіне қосу - Электр қалқанынан станцияға дейін кабель тартады. Автоматты ажыратқышы, УЗО және компрессорға арналған розеткасы бар басқару шкафын орнатады.
8. Іске қосу-баптау - Қосылыстардың герметикалығын, эрлифттердің жұмысын тексереді, нысанның ағынды суларымен жүктемелік сынақтар өткізіп, судың химиялық талдауын жасайды.

‍

📍БТС-ті 14 күнде жылдам іске қосу. Биологиялық тазарту станциясы орнатылғаннан кейін бірден жұмыс істей бастайды. Алайда қалдықтарды ыдырататын бактериялар станцияға біртіндеп, яғни 8 апта ішінде толық орнығады. Бұл кезеңде тазарту деңгейі 60-70% ғана болады. Ал бизнес үшін бұл жеткіліксіз, әйтпесе айыппұлдар мен қызметті тоқтату қаупі туындайды.

Нысаныңыз кідіріссіз жұмыс істеуі үшін WaterWays іске қосу-баптау процесін жеделдетеді. Біздің инженерлер БТС-ті баптап, биопрепараттарды қолдану арқылы бактериялардың жұмысшы биомассаға 4 есе жылдам, яғни небәрі 2 аптада жетуін қамтамасыз етеді. Су 95–98% таза әрі мөлдір болады, ал сіз Қазақстан Республикасында экологиялық бақылаудан қорықпай, заңды түрде жұмыс істей аласыз.

‍

Терең тазарту станциясына қызмет көрсету

Биологиялық тазарту станциясына (БТС) қызмет көрсету шұңқыр немесе жинақтаушы ыдысқа қарағанда әлдеқайда оңай. Иесінен талап етілетіні — айына бір рет люк қақпағын ашып, станцияны қарап шығу. Ол мыналарды тексеруі керек: ● соңғы камерадағы судың мөлдірлігі; ● қабылдау камерасында қоқыс, шаш, құмның бар-жоғы; ● компрессордың көпіршіктеп жұмыс істеуі (сылдырлаған дыбыс естілуі керек); ● бөлімдердегі су деңгейі. Шұңқыр үнемі толып, жазда жағымсыз иіс шығарып, қыста қатып қалатын болса, БТС жыл бойы іркіліссіз жұмыс істейді. Оған жылына небәрі 1–2 рет қызмет көрсету жеткілікті. Сервистік қызмет көрсету кезінде бригада: ● тұнба ыдысынан артық лайды сорғымен сорып алады, бірақ бактериялардың тіршілігі үшін лайдың 20–30%-ын қалдырады; ● эрлифттерді, аэраторлар мен шлангтарды жоғары қысымды жуғышпен жуады; ● қабылдау камерасын құмнан, шаштан, шүберек пен басқа да қоқыстардан тазалайды; ● компрессорды тексереді: қажет болса мембраналар мен сүзгілерді ауыстырады; ● корпусты жарықтар мен ағып кетулердің бар-жоғына тексереді. WaterWays компаниясынан биологиялық тазарту станциясына тапсырыс бергенде, монтаждау мен іске қосудан бөлек, сіз жыл бойғы сервистік қызметке ие боласыз. Келісімшарт жасасқаннан кейін біз нысанға келіп, станцияға қажетті барлық жұмысты атқарамыз — артық қызметтерсіз және артық төлемсіз.

‍

Бастысы туралы қысқаша

Биологиялық тазарту станциясы орталық кәріз жүйесіне қосылу мүмкіндігі жоқ бизнес үшін кәріз мәселесін шешеді. Ол ағынды суларды 95–98%-ға дейін тазартып, жағымсыз иістерді толығымен жояды және судың кенеттен көп мөлшерде келуіне (залптық тасталымдарға) төтеп береді.

Бизнес үшін бұл кәріз жүйесін тартудың ең тиімді жолы: ассенизаторға ай сайын ақша төлемейсіз, экологтардан айыппұл алмайсыз, жағымсыз иіс пен клиенттердің шағымы болмайды, монтаждау небәрі екі күнге созылады, ал септикке жылына 1–2 рет қана қызмет көрсету қажет.

WaterWays компаниясы нысанға тегін барып, өлшеу жұмыстарын жүргізеді және сіздің топырағыңыз бен ағынды сулардың гидравликалық жүктемесіне сәйкес жеке шешім әзірлейді.

Септиктің бағасын білу және есептеу үшін бізге қоңырау шалыңыз. Біз сіздің нысаныңызға Қазақстан Республикасының СНиП, СанПиН және экологиялық нормаларына сәйкес келетін кәріз жүйесін орнатып береміз.

‍

‍